PËRGATITI: SARA SHEHU
Në mëngjesin e së enjtes, kati i parë i kësaj ndërtese në rrugën “Dardania” në Fushë-Kosovë, ishte përfshirë nga zjarri.
Banorët e ndërtesës ishin detyruar të dalin jashtë derisa zjarri të shuhej, ndërsa përveç dëmeve materiale nuk është raportuar për të lënduar.
Edhe vetë banorët ishin mobilizuar ta lokalizonin zjarrin derisa në vendngjarje kanë arritur zjarrfikësit, të cilët arritën ta shuanin më pas të tërin.
Sipas tyre pjesa ndërtesës e përfshirë nga zjarri ishte e lëshuar me qira dhe aktualisht aty nuk ishte asnjë banor.
Policia ka njoftuar se hetimet për të zbardhur shkaktarin e zjarrit kanë nisur./atvlive.tv
