Gjithçka që duhet të dini për Met Gala 2025

Met Gala është një nga ngjarjet më prestigjioze në industrinë e modës dhe artit, e cila mbahet çdo vit për të mbledhur fonde për Institutin e Kostumeve të Muzeut Metropolitan të Artit në Neë York. Njihet për tapetin e saj të kuq dhe për veshjet ekstravagante të të famshmëve, të cilat interpretojnë një temë specifike të përcaktuar për çdo vit.

Për herë të parë u mbajt në vitin 1948 dhe që atëherë është shndërruar në një nga netët më të mëdha në botën e modës.

Met Gala 2025 po afron dhe tashmë kemi disa detaje për këtë ngjarje madhështore. Met Gala 2025 do të mbahet më 5 maj, ditën e Hënë, në Neë York City në Muzeun Metropolitan të Artit.

Si çdo vit, yjet më të mëdhenj do të kalojnë në tapetin e kuq, duke ju përshtatur temës të caktuar nga Muzeu Metropolitan i Artit. Kjo traditë jo vetëm që feston modën, por gjithashtu nderon historinë dhe kulturën përmes veshjeve unike.

Më 9 tetor, Muzeu Metropolitan njoftoi se tema e vitit 2025 do të jetë “Superfine: Tailoring Black Style”. Kjo temë është e frymëzuar nga libri i Monica L. Miller, Slaves to Fashion: Black Dandyism and the Styling of Black Diasporic Identity.

Për sa i përket bashkë-kryesuesve, janë konfirmuar disa nga emrat më të njohur: Colman Domingo, Leëis Hamilton, A$AP Rocky, Pharrell Ëilliams dhe ikona e modës, Anna Ëintour. Ndërsa, kryetari nderi për vitin 2025 do të jetë LeBron James, një figurë e fuqishme jo vetëm në sport, por edhe në kulturën dhe stilin e modës.

Në ngjarje zakonisht marrin pjesë rreth 450 yje dhe figura të industrisë së modës cdo vit.

Sidoqoftë, ka edhe prej tyre që e kanë të ndaluar të jenë pjesëmarrës nga Met Gala. Donald Trump që nga viti 2017 nuk e ka të lejuar të marrë pjesë në këtë ngjarje prestigjioze.

Kurse Demi Lovato, Amy Schumer, janë vetëm disa nga yjet e mëdha që nuk duan të jenë pjesëmarrëse.

Amy Schumer pati thënë se nuk I pëlqen fare energjia e Met Galas dhe se nuk ka ndonjë interesim për modën./NO FILT