Kevin De Bruyne drejt largimit nga Napoli, belgu po shqyrton rikthimin në vendlindje
Kevin De Bruyne mund të mos qëndrojë gjatë te Napoli, pasi mundësia e rikthimit të tij në Belgjikë po bëhet gjithnjë e më konkrete.
E ardhmja e mesfushorit belg në Itali ka filluar të vihet në dyshim, pas deklaratave të bashkëshortes së tij, Michele, e cila ka pranuar se familja po e mendon gjithnjë e më shumë mundësinë e kthimit në vendlindje.
Reklamë
Sipas raportimeve të mediumit “NINA”, familja e futbollistit nuk është përshtatur plotësisht me jetën në Napoli. Vëmendja e madhe që merr De Bruyne nga tifozët dhe publiku ua vështirëson edhe daljet dhe aktivitetet e zakonshme të përditshme.
Për këtë arsye, bashkëshortja e tij ka bërë të ditur se rikthimi në Limburg të Belgjikës është një mundësi që po diskutohet gjithnjë e më shpesh. Atje, familja do të kishte mundësi të ishte më pranë të afërmve dhe të shijonte një jetë më të qetë.
Kështu, qëndrimi i De Bruyne në Itali mbetet në pikëpyetje, ndërsa dëshira për t’u rikthyer pranë familjes mund të ndikojë në vendimin e tij për të ardhmen.
Reklamë
