Policia e Kosovës ka njoftuar se në 24 orët e fundit, janë raportuar gjashtë raste të dhunës në familje.
Dy raste janë shënuar në Prishtinë, ku një grua ka njoftuar në Polici se është sulmuar fizikisht dhe është kanosur me thikë nga një i dyshuar. Ai gjendet në arrati, ndërsa rasti është nën hetime.
Në kryeqytet është raportuar një mosmarrëveshje, ku i dyshuari ka sulmuar fizikisht një grua. Palët janë intervistuar dhe më pas është arrestuar i dyshuari.
Dy raste të dhunës janë regjistruar edhe në Fushë-Kosovë. Dy persona kanë sulmuar dy viktima gra, derisa njëri është arrestuar dhe është dërguar në mbajtje.
Raste të dhunës në familje janë shënuar edhe në Obiliq. Një shtetase e huaj ka raportuar se ka pasur mosmarrëveshje me një person. Ajo ka pranuar trajtim mjekësor dhe është dërguar në strehimore.
Ndërsa, një grua është kërcënuar me armë zjarri nga i dyshuari. Gjatë kontrollit në shtëpi, janë gjetur dy pistoleta me 27 copë fishekë.
