Fundjava e garave në Miami Grand Prix ka marrë një kthesë të papritur, pasi Drejtoria e Garës shpalli zyrtarisht protokollin “Rain Hazard”. Ndryshe nga praktikat e zakonshme, Formula 1 ka vendosur që gara të nisë më herët për të shmangur kushtet e rrezikshme atmosferike.
Sipas vendimit të ri, starti i garës është caktuar për në orën 19:00 (sipas kohës në Maqedoninë e Veriut). Ky ndryshim është bërë i mundur falë rregullores së re për vitin 2026, e cila u jep organizatorëve fleksibilitet për të ndryshuar orarin në rast të kushteve ekstreme të motit.
Pavarësisht temperaturave të larta në Miami, që arrijnë rreth 34°C, aktivizimi i këtij protokolli nënkupton se ekipet dhe pilotët duhet të përshtaten menjëherë me kushtet e reja dhe të përgatiten për një start të përshpejtuar.
Në vijën e parë të nisjes, Kimi Antonelli mban pole-position për të tretën herë radhazi, ndërsa përkrah tij do të jetë kampioni në fuqi Max Verstappen.
Ekipet kanë shumë pak kohë në dispozicion për të rishikuar strategjitë, sidomos në aspektin e menaxhimit të gomave dhe ftohjes së bolidëve në kushte temperaturash të larta. Gara pritet të zhvillohet në një atmosferë intensive dhe me shumë të papritura.
