Të paktën 10 palestinezë, përfshirë civilë që prisnin ndihmat humanitare, kanë humbur jetën si pasojë e sulmeve ushtarake izraelite përgjatë Rripit të Gazës të shtunën, njofton agjencia për mbrojtjen civile të territorit.
Zëdhënësi i agjencisë, Mahmud Bassal, i ka thënë AFP-së se të paktën 6 persona janë vrarë dhe 30 të tjerë janë plagosur, pasi forcat ushtarake izraelite goditën civilët që po mblidheshin pranë një pike ndihmash në Gazë.
Këto sulme vijnë një ditë pas miratimit nga kabineti i sigurisë së Izraelit të planeve për të zgjeruar ofensivën ushtarake në enklavën palestineze, me synimin e kontrollit të plotë mbi qytetin e Gazës.
