Mira Murati, drejtuesja e teknologjisë në kompaninë globale OpenAI, është përfolur së fundmi për një interes të mundshëm në investime në arsimin e lartë në Kosovë.
Murati, me origjinë shqiptare dhe me karrierë ndërkombëtare në teknologji, është një prej emrave më të njohur në fushën e inteligjencës artificiale. Ajo është pjesë kyçe e zhvillimit të sistemeve si ChatGPT, DALL·E dhe Codex
Burime pranë ekipit të saj kanë konfirmuar se ekziston interes për të mbështetur projekte arsimore në rajon dhe per te eksploruar mundësi për bashkëpunim me institucione që kanë fokus në teknologji dhe inovacion.
Sipas tyre, gjithçka është ende në nivel të ideve dhe vlerësimeve të përgjithshme.
Ata e kanë përshkruar këtë interes si një angazhim afatgjatë për të fuqizuar të rinjtë shqiptarë në fusha teknologjike.
Në anën tjetër, Kolegji AAB, në këtë fazë nuk ka dashur të komentoj mundësitë e ketij bashkëpunimi.
Përfaqësues të kolegjit nuk janë përgjigjur kërkesave për koment mbi këtë çështje. Zërat për një bashkëpunim të mundshëm mes palëve kanë qarkulluar në rrjetet sociale dhe media lokale.
Një investim i mundshëm në arsim nga një figurë si Murati do të kishte ndikim të madh jo vetëm në imazh, por edhe në përmbajtje.
Mira Murati ka shprehur më parë publikisht dëshirën për të ndihmuar vendet shqiptare në zhvillimin teknologjik.
Për momentin, ajo vazhdon të udhëheqë zhvillimet në inteligjencën artificiale, duke u bërë një prej grave më të suksesshme shqiptare në nivel botëror.
Bashkëpunimi i Mira Muratit me Kolegjin AAB do të ishtë një mundësi e jashtëzakonshme për të rinjët e Kosovës vecanarisht në fushën e zhvillimit të Intelegjencës Artificiale.
