Kryetari i Komunës së Klinës, Zenun Elezaj, në rubrikën “Komuna” në emisionin e mëngjesit ALARM në ATV, tregoi se tashmë tashmë ka filluar ndërtimi i fund ndërruesit për ujë të pijes në qytetin e Klinës, projekt ky që do të sigurojë 100 litra për sekondë për qytetarët e kësaj komune.
“Një prej projekteve të rëndësishme është ndërtimi i fund ndërruesit për ujë të pijes në qytetin e Klinës që javën e kaluar kanë filluar procedurat e prokurimit dhe ky është një lajm i mirë të ketë investime në këtë fazë 650 mijë euro, ku do të sigurohet ujë nga rrjedha e Drinit të Bardhë. Është një proces fizik, por edhe me aditiv, në aspektin kimik që do të pastrohet uji nga ndotjet më shumë fizike dhe më pas do të kalojnë përmes fabrikës ekzistuese që është, të cilës do t’i ndërrohen filtrat. Parashikimet i kemi nëse nuk kemi ankesa në procedurat e prokurimit që në fillim të vitit të ardhshëm do të kemi ujë të pijes 100 litra në sekondë për qytetarët e komunës së Klinës”, tregon Elezaj.
Ai njofton se projekti është përanditur nga ministria e Infrastrukturës në vitin 2019, ndërsa komuna ka kërkuar që të revidohet nga Universiteti i Prishtinës, më
konkretisht nga Fakulteti i Makinerisë.
“Ne kemi filluar bashkë me Qeverinë në vitin 2019, është përgatitur projekti nga ministria e atëhershme e Infrastrukturës, dhe nga një kompani prestigjioze. Më pas kam kërkuar që projekti të revidohet nga Universiteti i Prishtinës nga Fakulteti i Makinerisë. Është revidu, është kontrollua dhe po besoj që me mjete që janë, 650 mijë euro, do të kemi ujë të pijes për herë të parë në kapacitetin 100 litra në sekondë në Komunën e Klinës”, tregoi kryetari Elezaj. /atvlive.tv
Emisionin e plotë e gjeni në videon më poshtë:
