Valle me emrin “Baresha”, kryevepra e Nexhmie Pagarushës

Koreografja Erza Xheladini Galani, e ftuar në emisionin e mëngjesit ALARM në ATV, foli për shfaqjen e saj të fundit, e cila do të quhet “Baresha”. Ajo tregoi se kjo shfaqje do të përformohet me valle, por edhe me forma të tjera artistike.

“Fillimisht e kam marrë Nexhmie Pagarushën sepse është simboli më i bukur shqiptar. Ideja ka rrjedhë prej mungesës së valleve të mirëfillta të bukura shqiptare dhe normal t’u i dëgju muzikat e bukura të Nexhmie Pagarushës, jam inspiruar shumë për me e kriju në njëfarë forme një shfaqje artistike. Shfaqja nuk do të jetë vetëm me valle, do të jetë dhe më përformanca të ndryshme. Do të marrë një kahje artistike, ashtu siç ka qenë Nexhmie Pagarusha. Ajo njihet si një këngëtare operistike popullore, kështu që edhe koreografitë që i kam kriju janë në atë zhanër”, tha Xheladini Galani. /atvlive.tv