Të martën hidhet shorti për gjysmëfinalet e Kupës së Kosovës

Komisioni i Garave ka njoftuar klubet dhe opinionin se tërheqja e shortit për ndeshjet gjysmëfinale të Kupës së Kosovës do të zhvillohet të martën, më 10 mars 2026, duke filluar nga ora 13:00, në ambientet e FFK-së.

Në këtë fazë të rëndësishme të garës kanë arritur këto skuadra: Ballkani, Llapi, Dukagjini dhe Ferizaj.

Ndeshjet gjysmëfinale do të luhen me sistem vajtje-ardhje.