Shpërndahen më shumë se 3000 pako ushqimore për familjet në nevojë
Këtë vit, gjatë muajit të Ramazanit e deri në ditën e festës së Fitër Bajramit, bashkëpunimi mes komunitetit Egjiptian në Kuvendin Komunal të Fushë-Kosovës dhe organizatës “Islamic Relief Kosova” ka gëzuar shumë qytetarë duke mbushur tavolinat e tyre me produkte esenciale për festë.
Shpërndarja e më shumë se 3000 pakove u bë në zona të caktuara të Kosovës, ku 600 prej tyre u dhanë në lagjen në Fushë Kosovë tek banorët e komunitetit egjiptian, rom dhe ashkali.
Reklamë
Ky aktivitet bëri bashkë banorët që prisnin në radhë për të marrë pakot përkatëse, duke falënderuar organizatorët për një akt të tillë humanitar.
Sipas përfaqësuesit Bashkim Krasniqi, ky vit ishte ndryshe nga të tjerët.
Sipas Blerim Gashit nga organizata “Islamic Relief Kosova”, komuna e Fushë Kosovës ishte e vetmja që dha ndihmë financiare për këtë aktivitet.
Përzgjedhja për shpërndarjen e pakove u realizua përmes të dhënave financiare për secilën shtëpi, varësisht nga nevojat primare për tu furnizuar me ushqim./atvlive.tv./
Për më shumë ndiqni videon e mëposhtme:
Reklamë
