24.2 C
Pristina
E shtunë, 13 Korrik, 2024

Promovohet libri “Lufta e Kosovës 1997-1999”

Përgatiti: Sara Shehu

Në kuadër të aktiviteteve të 25-vjetorit të çlirimit të Kosovës, është promovuar libri “Lufta e Kosovës 1997-1999”, i shkruar nga autorët Durim Abdullahu dhe Davjola Ndoja.

Përpos këtij libri, i cili paraqet studimin mbi literaturën për luftën në Kosovë i realizuar në 45 biblioteka nëpër botë, në ambientet e Bibliotekës Kombëtare të Kosovës u hap edhe një ekspozitë me 150 libra kushtuar luftës.

“Deri në vitet ’90, Kosova ka qenë e panjohur në botë. Luftërat në Jugosllavi dhe në Kosovë e bënë Kosovën në qendër të lajmeve nëpër botë. Në vitin 1999 u botuan mbi 900 libra për Kosovën. Gazetarë, ushtarakë, studiues e historianë kanë botuar mbi 7700 libra për luftën në Kosovë”, tha Durim Abdullahu, autor i librit dhe i ekspozitës.

“Ne si autor jemi të nderuar që ky promovim është në këtë 25-vjetor. Hulumtimi i parë i këtij promovimi është bërë në 45 biblioteka kombëtare në botë”, tha Davjola Ndoja, bashkautore.

Në këtë organizim, mori pjesë edhe Kryeministri i Kosovës, Albin Kurti, me ç’rast tha se shumë autorë nga shtete të huaja kanë shprehur interesim të botojnë libra për popullin e Kosovës.

“Sot në vazhdën e ditëve të çlirimit jemi mbledhur edhe për këtë aktivitet. Një bibliografi e përzgjedhur. Shumë libra janë shkruar për luftën e Kosovës, por ky është libri i parë i shkruar për luftërat e Kosovës. Janë shkruar 7700 libra për luftën e Kosovës. prej këtyre librave 7000 libra janë shkruar nga autorë të huaj. Dhe kjo për mua është e pa imagjinueshme për mua. Janë të përkthyer në 28 gjuhë të ndryshme. Shtetet e huaja kanë interesim për luftën e Kosovës”, tha Kurti.

Në këtë ekspozitë morën pjesë zyrtarë të arsimit dhe artistë të ndryshëm, të cilët e mirëpritën këtë vepër të dy autorëve shqiptarë.

Klikoni KËTU për t’u bërë pjesë e kanalit zyrtar të ATVLIVE.TV në Viber.

Bëni Subscribe në kanalin zyrtar të ATV-së në YouTube – Kliko KËTU

LAJME TË TJERA

spot_img
spot_img

PUBLIKUAR SË FUNDI

spot_imgspot_img
spot_img

LAJME TË TJERA