Shumica prej nesh vendosin vathë që të duken më bukur por ndryshe nga pjesa më e madhe e personazheve publik, Morgan Freeman, ka një arsye tepër të veçantë përse nuk del nga shtëpia pa vathët e tij.
Aktori legjendar nuk i vendos vathët për të ndjekur modën por ka një tjetër arsye, e cila duhet thënë se është paksa e frikshme.
Freeman ka shpjeguar se ai është pyetur vazhdimisht se pse nuk del kurrë pa atë aksesor edhe lidhur më këtë, aktori ka bërë një postim në Instagram, ku ka shpjeguar:
“Këto vathë, që më pyesni gjatë gjithë kohës. E vërteta është se ato kanë një vlerë monetare mjaftueshëm që dikush të më blejë një arkivol në rast se unë vdes në një vend të çuditshëm. Kjo është arsyeja se pse marinarët i mbajnë ato dhe kjo është arsyeja pse unë i mbaj. Tani e dini të gjithë”.
Me sa duket, nëse një detar do të vendoste vathë argjendi ose ari dhe trupi i tij do të dilte në breg, bizhuteritë do të mjaftonin për të mbuluar koston e një funerali.
Disa detarë madje gdhendin emrin e portit të tyre në pjesën e brendshme të vathit me shpresën se mund t’u ktheheshin të dashurve të tyre.
Nëse një burrë vdiste në një anije, aksesori do të ndihmonte gjithashtu në mbulimin e kostos së transportit të trupit të tij në shtëpi.
Freeman kohë më parë është shprehur se e imagjinon veten si një “marinar”.
“Kur isha fëmijë, pashë një film pirate me Burt Lancaster, i cili mbante një vath. Mendova se ishte seksi.”, ka thënë aktori në një intervistë të dhënë në vitin 2016.
