Nga rruga e cila të shpie në fshatin Baballoq të komunës së Deçanit, arrin të shohësh që nga larg gjelbërimin e bukuritë e këtij fshati, antikitetin që karakterizohet nga monumentet e shumta.
Me lumin që përshkon fshatin duke i dhënë gjallëri e begati fushave të të mbjellurave të banorëve të këtij vendi.
E veçante tjetër e këtij vendi është edhe emri që për banorët nga gojëdhënat e ka një kuptim interesant.
Në të shumtat kulla antike të cilat i ka pasur ky fshat, sot disa prej janë rrënuar krejtësisht, por ka ende kulla të cilat qëndrojnë në këmbë duke e mbajtur gjallë edhe historinë e tyre.
Ky fshat gjatë luftës së fundit në Kosovë, ka qenë vendi i parë ku ka filluar lufta e rajonit të Dukagjinit, e nga kjo luftë ka edhe dëshmorë madje edhe vetë Ilir Batusha ishte në krye të frontit.
Edhe sot ky fshat ka një numër të madhe të banorëve, madje në rrethinë të Deçanit është fshati që ka më së shumti nxënës brenda institucionit të shkollës, duke e ruajtur dhe duke qenë krenarë me fshatin e tyre, Baballoqi vazhdon të mbetët një vend i vlerave historike. /atvlive.tv
