Mourinho konfirmon titullar Viniciusin ndaj Leipzigut

Jose Mourinho ka konfirmuar se Vinicius Junior do ta nisë nga minuta e parë ndeshjen e së mërkurës ndaj Leipzigut në Ligën e Kampionëve. Trajneri i Real Madridit bëri të ditur se sulmuesi brazilian ka nevojë për minuta në fushë, në mënyrë që të ruajë formën fizike dhe të fitojë ritmin e duhur të ndeshjeve.

Mourinho pranoi se ky nuk është një vendim që do të dëshironte ta merrte në rrethana të zakonshme, por situata aktuale e ka detyruar të veprojë në këtë mënyrë. Sipas tij, sfida ndaj Leipzigut përbën një mundësi të mirë që Vinicius të mbetet i motivuar dhe të mos kufizohet vetëm në stërvitje, por të rikthehet edhe në ritmin e garave.

Braziliani nuk u aktivizua në ndeshjen ndaj Sevillas, çka i dha mundësinë të punonte më shumë në përgatitjen fizike. Mourinho vlerësoi se lojtari është i freskët dhe shpreson që gjithçka të shkojë sipas planit, pasi skuadra ka nevojë për kontributin e tij.

Krahas situatës së Viniciusit, trajneri portugez foli edhe për kundërshtarin e radhës, duke paralajmëruar se Leipzigu nuk duhet vlerësuar vetëm në bazë të humbjes së thellë 6:1 nga Bayern Munichu.

Mourinho theksoi se skuadra gjermane është një kundërshtar krejtësisht tjetër nga ajo që u pa në Mynih, ndaj Real Madridi duhet të përgatitet me kujdes dhe të mos ndikohet nga rezultati i fundit i rivalit.