Kompania me pronarë nga Maqedonia e Veriut, e udhëhequr nga familja Destani nga Tetova, është listuar në NASDAQ, bursën zyrtare amerikane, njofton gazeta zvicerane Le Canton27.ch.
Listimi i Next.e.Go Mobile në këtë bursë amerikane dhe shpallja e djeshme e bërjes publike përbën kulmin e një pune të madhe e me përkushtim të një ekipi të tërë.
Filantropi Lazim Destani për gazetën zvicerane Le Canton27.ch thotë se “NASDAQ’ gjithmonë ka qenë qendër për inovacionin, dhe ne jemi vërtet të lumtur që jemi pjesë e këtij ekosistemi me aq shumë ndikim”.
Përndryshe, NASDAQ është bursa me qarkullimin më të madh në SHBA, me seli në New York.
Kompania Next.e.Go ka nisur edhe iniciativën për investim edhe në Maqedoni të Veriut, ku edhe janë hudhur edhe themelet e objektit, ku pritet të ndërtohen veturat elektrike, të cilat do të shiten në tregun evropian dhe vendor.
