Njësitë patrulluese në Leposaviq kanë realizuar një urdhëresë gjyqësore ndaj një 60-vjeçari, i cili ishte në kërkim nga Gjykata Themelore në Mitrovicë për veprat penale “Kanosje” dhe “Mbajtje në pronësi, posedim ose kontroll të paautorizuar të armës”.
Arrestimi u bë më 05.02.2026 rreth orës 14:50, në banesën e të dyshuarit, ku ai u takua dhe u shoqërua menjëherë nga policia. I dënuari ishte sanksionuar me gjobë prej 500 eurosh, ose alternativisht me 25 ditë burgim, por deklaroi se nuk kishte mundësi ta paguajë gjobën.
Në bazë të urdhëresës gjyqësore, ai është dërguar për vuajtje dënimi në Burgun e Mitrovicës së Veriut.
