Dukagjini ka shënuar fitore të qetë në udhëtim te Ferizaj, në xhiron e 31-të të Superligës së Kosovës.
Hekuran Berisha kaloi Dukagjinin në epërsi me një supergol në minutën e 38-të. Ferizaj pati dy mundësi të mira për të barazuar, por nuk ia dolën t’i shfrytëzojnë.
Fitoren e vulosi Dionit Isufi me një tjetër gol nga distanca në minutën e 51-të. Ferizaj shënoi golin e nderit me Betim Haxhimusën në minutën e 90-të.
Me këtë fitore, Dukagjini renditet i gjashti me 41 pikë, ndërsa Ferizaj zë vendin e nëntë me 33 pikë.
