De la Fuente i dërgon mesazh Gavit: Duhet të punojë më shumë për t’u rikthyer te Spanja

Mesfushori i Barcelonës, Gavi, vazhdon të mbetet jashtë planeve të Kombëtares së Spanjës. Përzgjedhësi Luis de la Fuente nuk e ka përfshirë sërish 21-vjeçarin në listën e fundit të lojtarëve të ftuar, duke lënë të kuptohet se rikthimi i tij në Kombëtare do të varet nga puna dhe përmirësimi i vazhdueshëm.

Gavi mungoi edhe në grumbullimin e muajit tetor, ndërsa De la Fuente ka folur sërish për situatën e mesfushorit, duke theksuar se ai duhet të vazhdojë të punojë dhe të zhvillohet për të fituar përsëri një vend në ekipin kombëtar.

Trajneri spanjoll vlerëson cilësitë e futbollistit të Barcelonës, por njëkohësisht nënvizon se konkurrenca në kombëtare është jashtëzakonisht e madhe dhe se askush nuk e ka të garantuar një vend në skuadër. Sipas tij, të gjithë lojtarët duhet të vazhdojnë të japin maksimumin dhe të përmirësohen për të qenë pjesë e planeve të tij.

Situata e Gavit nuk është më e lehtë as te Barcelona, ku mesfushori po përpiqet të fitojë më shumë hapësira dhe minuta në dispozicion. Megjithatë, ai ka nisur gradualisht të rikthehet në fushë, pasi u aktivizua si zëvendësues edhe në ndeshjen e mesjavës në Ligën e Kampionëve.

Ndërkohë, Spanja po përgatitet për dy përballjet e radhës ndaj Çekisë dhe Anglisë në kuadër të Ligës së Kombeve, ndërsa për Gavi mbetet e hapur sfida për të bindur De la Fuenten se e meriton sërish fanellën e kampionëve spanjollë.