Real Madridi po përgatit një ofertë të çmendur për ta transferuar yllin e Bayern Munichut Michael Olise në afatin kalimtar veror.
Gjiganti spanjoll po përgatitet të përforcojë skuadrën në verë ndërsa Florentino Perez thuhet se është një admirues i madh i futbollistit francez.
Siç raporton gazeta e madhe gjermane “BILD”, Reali po dëshiron që më patjetër ta sigurojë Olise si dhe është gati ta “thyejë bankën” për ta kompletuar këtë lëvizje.
Raporti shton se “Galaktikët” janë gati të ofrojnë plot 160 milionë euro për ta bindur Bayernin që ta lejojë lojtarin të largohet nga “Allianz Arena”.
🚨🚨| BREAKING: Real Madrid president Florentino Pérez is a huge admirer of Michael Olise and is reportedly planning a move for the 24 year old after the season. ⚪🇫🇷
Real Madrid are prepared to pay €160M for the French forward. However, Bayern Munich are not planning to sell… pic.twitter.com/tgCCMRjVAB
— CentreGoals. (@centregoals) March 16, 2026
Megjithatë, marrëveshja shihet si vështirë për t’u realizuar pasi te Bayerni Olise mbetet i paprekshëm dhe pavarësisht çmimit anësori nuk do të largohet.
Interesim për Olise ka shprehur edhe Liverpooli, të cilët gjithashtu janë gati të shpenzojnë mbi 100 milionë euro për ta transferuar në verë.
