Barcelona ka arritur një fitore të vështirë në shtëpi ndaj Rayo Vallecanos, duke triumfuar me rezultat minimal 1-0.
Edhe pse konsideroheshin favoritë absolutë, katalunasit hasën në rezistencë të fortë nga mysafirët. Golin e vetëm të takimit e realizoi Ronald Araújo në minutën e 24-të, pas një asistimi nga João Cancelo.
Rayo Vallecano zhvilloi një paraqitje shumë të mirë, duke rrezikuar disa herë përmes Unai López dhe Álvaro García. Një rast të artë në fund të ndeshjes pati edhe Pacha Espino, por goditja e tij përfundoi mbi portë.
Barcelona dominoi në posedim dhe krijoi raste të mira shënimi me Raphinha dhe Lamine Yamal, por pa arritur t’i konkretizojë.
Me këtë fitore, Barcelona ngjitet në kuotën e 73 pikëve, ndërsa Rayo Vallecano mbetet në vendin e 14-të me 32 pikë.
