Kalo te përmbajtja
Të fundit

Arsenal dhe Real Madridi në garë për Michael Olisen, Bayerni nuk dëshiron ta shesë

Nga Gazetar i verifikuar i ATV

Shto ATV në Google(hapet në dritare të re)

Ndaj

Ndani këtë artikull përmes

Ose kopjo linkun

Arsenal dhe Real Madridi në garë për Michael Olisen, Bayerni nuk dëshiron ta shesë

Sulmuesi francez i Bayern Munichut, Michael Olise, vazhdon të jetë një nga emrat më të kërkuar në futbollin evropian, me disa gjigantë të kontinentit që po e monitorojnë nga afër situatën e tij.

Sipas gazetarit të “Sport Bild”, Christian Falk, interesimi për shërbimet e anësorit francez është i madh, ndërsa në mesin e klubeve të interesuara përmenden Arsenali dhe Real Madridi.

Reklamë

Falk raporton se një transferim i mundshëm në La Liga mund të jetë joshës për Olisen, në rast se ai vendos të largohet nga Bundesliga. Megjithatë, drejtuesit e Bayern Munichut nuk kanë ndërmend të heqin dorë nga shërbimet e tij.

Klubi gjerman dëshiron ta bindë francezin të vazhdojë karrierën në Mynih, duke i ofruar mundësinë për të fituar trofe të rëndësishëm dhe për të synuar edhe çmime individuale prestigjioze, përfshirë Topin e Artë.

Një tjetër argument i Bayernit është edhe aspekti financiar. Olise raportohet se përfiton rreth 14 milionë euro në vit, ndërsa bashkëlojtari i tij Harry Kane fiton afërsisht 29 milionë euro.

Pavarësisht interesimit nga klubet e mëdha evropiane, Bayern Munich mbetet i vendosur për ta mbajtur anësorin francez, duke bërë të ditur se nuk dëshiron ta lejojë largimin e tij, madje as për një ofertë prej 300 milionë eurosh.

Reklamë