Qeveria izraelite më në fund miratoi marrëveshjen e armëpushimit këtë të shtunë, më 18 janar, dhe publikoi një listë me 95 të burgosur palestinezë që do të shkëmbehen për tri pengjet e para gjatë fundjavës. Armëpushimi do të hyjë në fuqi të dielën në orën 8:30 të mëngjesit.
Armëpushimi në Gaza do të hyjë në fuqi në orën 8:30 të mëngjesit me orën lokale të Gazës (6:30 të mëngjesit me kohën tonë) të dielën e 19 janarit, sapo tha në rrjetet sociale zëdhënësi i Ministrisë së Jashtme të Katarit.
Majed Al Ansari tha se koha e armëpushimit është koordinuar nga palët në marrëveshje dhe ndërmjetësit.
“I këshillojmë banorët që të kenë kujdes maksimal dhe të presin udhëzimet nga burime zyrtare. Koha ishte ‘siç u koordinua nga palët në marrëveshje dhe ndërmjetësit’”, tha ai.
Gazeta izraelite Haaretz raportoi se marrëveshja e pengjeve dhe armëpushimit e miratuar nga qeveria përfshin detyrimet e marra përsipër nga Izraelii për të lejuar kthimin e të gjithë banorëve të Gazës veriore në shtëpitë e tyre.
