Këngëtarja e aktorja Selena Gomez dhe kolegu i saj David Henrie ishin në promovimin e komedisë Disney Wizards of Waverly Place në Los Angeles.
Selena erdhi në event e veshur me një fustan të kuq të ngushtë dhe më pas ndjekësit i komentuan se dukej si të ishte shtatzënë, megjithëse më parë ajo kishte deklaruar se nuk mund të lind kurrë, transmeton Indeksonline.
Selena iu përgjigj atyre dhe tha se vuan nga rritja e baktereve të zorrët (SIBO).
“Kjo më bën të sëmurë. Unë kam SIBO në zorrën e hollë. Nuk më intereson sesi dukem. Nuk kam një trup të tonifikuar dhe ky është fundi i historisë. Dhe jo, nuk jam viktimë, jam thjesht njëri”, ka shkruar Selena.
SIBO është një sindromë e karakterizuar nga numri i tepërt i baktereve në zorrën e hollë.
