Në kuadër të vizitës zyrtare në San Salvador, presidentja e Kosovës Vjosa Osmani ka takuar kryeministren e Guinesë Ekuatoriale, Manuela Roka Botey.
Në këtë takim u diskutua mbi thellimin e komunikimit dhe bashkëpunimit në mes Kosovës dhe Guinesë Ekuatoriale.
Osmani ka thënë se Kosova është e përkushtuar që të punojë ngushtë me partnerë në mbarë botën në fusha të interesit të përbashkët.
E para e vendit ndodhet për vizitë në San Salvador, për të marrë pjesë në inaugurimin e presidentit të ri të këtij vendi të Amerikës Qendrore.
