Presidentja e vendit, Vjosa Osmani ka kujtuar 25-vjetorin e Masakrës së Rezallës, ku forca të regjimit gjenocidal të Serbisë, më 5 prill të vitit 1999 rrethuan shtëpitë e fshatit dhe në mënyrë mizore vranë 98 djem e burra.
Osmani tha se regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e domosdoshme.
“Eshtrat e 44 të vrarëve janë gjetur disa vite më pas në Rudnicë të Rashkës.
Regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e nevojshme dhe e domosdoshme.
Drejtësi për viktimat dhe kujtim i përhershëm për to!
Qoftë i përhershëm kujtimi për të gjithë të rënët për liri!”
