Përgatiti: Armand Hoti
Edhe gjatë vitit të kaluar, diaspora shpenzoi mbi 500 milionë euro në blerjen e pronave të paluajtshme.
Plotë 518,9 milion euro u investuan në sektorin e patundshmërisë në Kosovë, gjatë 2023-ës, në formë të investimeve të huaja direkte, nga rreth 800 milionë sa janë gjithsej.
Sipas të dhënave të Bankës Qendrore të Kosovës, ky sektor dominon vazhdimisht në investimet nga jashtë.
Profesori i Ekonomisë Fidan Qerimi, thotë se fokusi në prodhim do të ishte më i dobishëm për Kosovën, pasi në patundshmëri nuk ka gjenerim të fitimit.
“Qeveria e Kosovës jo vetëm tani po në vazhdimësi prej pasluftës, investime të cilat do të ishin prodhim e të cilat do gjeneronin një zhvillim ekonomik dhe një vazhdimësi të ekonomisë. Fabrika do bëjnë gjenerim vit pas vitit, kurse investimet në patundshmëri janë projekte që zhvillohen vetëm një herë, ndërtohet një ndërtesë dhe nuk gjenerim të vazhdueshëm të parasë, tha Qerimi.
Për çalimin në këtë sferë, profesori Qerimi fajëson edhe tensionet politike. Ky kërkon që diplomatët të bëjnë më shumë punë në tërheqjen e investitorëve të huaj.
“Çka do e kisha rekomanduar Ministrinë e Punëve të Jashtme që ta orientoi korpusin diplomatik që të tërheqin kompanitë për shembull ato Amerika në Tajvan, atje kemi tensione mes Kinës dhe Tajvanit dhe normalisht është krijuar një situatë jo shumë e sigurt për vendin dhe besoj se nëse do kishim qenë ofertues të mirë, të krijojmë kushte të mira për të bërë biznes do kishin qenë potencial për zhvillimin ekonomik”, tha Qerimi.
Pas patundshmërisë, sektori tjetër dominues sa i takon Investimeve të huaja direkte edhe ai i aktivitetet financiare dhe atyre të sigurimit.
Më shumë detaje i gjeni në Edicionin Qendror të lajmeve në videon më poshtë:
