Në ditën e tretë të Forumit Ekonomik Botëror në Davos, kryeministri i Kosovës Albin Kurti sot është takuar me homologun e tij bullgar Nikolai Denkov, me të cilin ka diskutuar mbi marrëdhëniet bilaterale ndërmjet dy vendeve dhe situatën e sigurisë në rajon.
Në takim u bisedua edhe për 13 marrëveshjet e nënshkruara deri më tani ndërmjet Kosovës dhe Bullgarisë, dhe shtatë të tjera që janë në proces të finalizimit, për bashkëpunim ndërshtetëror dhe rajonal.
Kryeministri Kurti e falënderoi homologun e tij bullgar për mbështetjen që Bullgaria i ka dhënë Kosovës në procesin e liberalizimit të vizave, për përkrahjen aktive në procesin e anëtarësimit në Këshillin e Evropës dhe për kontributin në fushën e sigurisë e mbrojtjes përmes pjesëmarrjes në misionin e KFOR-it.