Gjykata e Prishtinës ia ka vazhduar masën e paraburgimit në kohëzgjatje prej dy muajsh Millun Millenkoviq, i njohur si Llune, që dyshohet për organizim të sulmeve ndaj forcave të KFOR-it dhe Policisë së Kosovës në Zveçan.
Lajmin për portalin ATV-në e ka konfirmuar zëdhënësja e Gjykatës Themelore në Prishtinë, Mirlinda Gashi.
“Ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurit M.M, Gjykata Themelore në Prishtinë – Departamenti Special ka aprovuar kërkesën e PSRK-së dhe të pandehurit M.M i është vazhduar masa e paraburgimit në kohëzgjatje prej dy muaj. Masa e paraburgimit të pandehurit M.M i është vazhduar deri me datë 12.03.2024”, njoftoi Gashi.
