Xherdan Shaqiri vazhdon të tregojë se klasi i tij mbetet i paprekur. Ylli shqiptar zhvilloi një tjetër ndeshje fantastike me Baselin, duke qenë protagonist absolut në fitoren 2-4 ndaj Luzernit.
Shaqiri ishte i jashtëzakonshëm në këtë përballje, duke realizuar dy gola dhe një asistim, me kontributin e tij që ishte vendimtar në triumfin e Baselit.
Paraqitja e tij nuk kaloi pa u vënë re as nga “SofaScore”, që e shpërbleu Shaqirin me një vlerësim të jashtëzakonshëm prej 9.9, nota më e lartë e javës.
Falë këtij spektakli, reprezentuesi shqiptar siguroi vendin e tij në formacionin më të mirë të javës, duke u renditur mes lojtarëve më të spikatur të kësaj jave.
Ajo që bie në sy është se Shaqiri ishte i vetmi lojtar shqiptar i përfshirë në 11-shen ideale këtë herë, diçka që ndodh rrallë kur merret parasysh prania e futbollistëve shqiptarë në ligat evropiane.
Një tjetër paraqitje për t’u mbajtur mend nga Shaqiri, i cili po dëshmon javë pas jave se ende ka shumë për të dhënë në fushën e futbollit.
