Mesfushori i Borussia Dortmundit, Marcel Sabitzer, nuk do të jetë në dispozicion të Austrisë në katër ndeshjet e ardhshme të Ligës së Kombeve për shkak të një lëndimi.
Federata Austriake e Futbollit ka konfirmuar se 32-vjeçari do të mungojë në këtë cikël, ndërsa rikthimi i tij në përfaqësuese për ndeshjet kualifikuese të Kampionatit Evropian 2028 nuk është përjashtuar.
Sabitzer ka vendosur të marrë një pushim të përkohshëm nga angazhimet me kombëtaren, pas 102 paraqitjeve dhe 27 golave me fanellën e Austrisë.
Mungesa e tij përbën një lajm të mirë edhe për Kosovën, e cila do të përballet dy herë me Austrinë në kuadër të Ligës së Kombeve.
Sabitzer është një prej lojtarëve kryesorë të përfaqësueses austriake dhe një pjesë e rëndësishme e skuadrës së Borussia Dortmundit. Mungesa e tij pritet të jetë një dobësim i ndjeshëm për Austrinë në përballjet e ardhshme.
