Kryetari i Partisë Socialdemokrate (PSD), Dardan Molliqaj, në ditën e katërt të fushatës zgjedhore ka publikuar një video në Facebook ku ka kritikuar ashpër mënyrën e qeverisjes në Komunën e Prishtinës.
Ai ka deklaruar se po shqyrtohet vendosja e një takse prej 10 eurosh për çdo veturë që hyn në kryeqytet.
Molliqaj ka theksuar gjithashtu se gjendja e pastërtisë në qytet dhe menaxhimi komunal nuk janë përmirësuar, duke kritikuar qeverisjen aktuale për mungesë të rezultateve konkrete.
Në fund, ai ka theksuar se Partia Socialdemokrate paraqet, sipas tij, një alternativë opozitare që synon të përfaqësojë interesin e qytetarëve dhe ka kërkuar mbështetje në zgjedhje me numrin 129.
