Java e katërt e Superligës së Kosovës në basketboll vazhdon të dielën me dy përballje interesante, ku skuadrat synojnë pikë të rëndësishme për ecurinë e sezonit.
Nga ora 17:00, Golden Eagle Ylli pret Pejën në palestrën “13 Qershori” në Suharekë. Ylli vjen pas fitores së parë sezonale ndaj Sigal Prishtinës, ndërsa Peja synon rikthimin te rezultatet pozitive pas humbjes nga Vëllaznimi.
Ndërkohë, xhiroja mbyllet me duelin Rahoveci 029 – Sigal Prishtina, që zhvillohet nga ora 19:30 në palestrën “Mizahir Isma”.
Rahovecasit janë ende në kërkim të fitores së parë këtë sezon dhe shpresojnë ta shfrytëzojnë përparësinë e terrenit vendas. Në anën tjetër, Sigal Prishtina synon të reagojë pas humbjes ndaj Yllit dhe të rikthehet te fitorja.
