Manchester United po i ofron Michael Carrick mundësinë për të vazhduar si trajner i parë në mënyrë të përhershme, pas suksesit të tij në drejtimin e klubit dhe kualifikimin në Ligën e Kampionëve për sezonin e ardhshëm.
Sipas “The Guardian”, Carrick ende nuk ka zhvilluar bisedime zyrtare për të konvertuar rolin e tij të përkohshëm në një emërim afatgjatë. Kjo ndodhi pasi drejtuesit e klubit kishin planifikuar fillimisht të prisnin dhe të vlerësonin nëse ai do ta arrinte objektivin kryesor, sigurimin e një vendi në garat elitare evropiane.
Synimi u realizua pas fitores 3-2 ndaj Liverpoolit, që i garantoi United-it një vend në pesëshen e parë. Që nga marrja e drejtimit në janar, Carrick ka regjistruar 10 fitore dhe dy barazime në 14 ndeshje të Ligës Premier.
Raportohet se drejtori i futbollit, Jason Wilcox, dhe shefi ekzekutiv, Omar Berrada, janë të kënaqur me ndikimin e tij që nga momenti kur zëvendësoi Ruben Amorimin. Po ashtu, mbështetje të fortë për Carrickun ka edhe nga brenda skuadrës.
