Një histori këmbënguljeje dhe shprese u rrëfye në emisionin “LIBERO” nga gjinekologu Shefqet Lulaj, duke sjellë në vëmendje rrugëtimin e gjatë të një pacienteje drejt mëmësisë.
Sipas tij, pacientja ka provuar 23 herë procedurën e fekondimit in vitro (IVF) jashtë vendit, pa arritur sukses të qëndrueshëm. Megjithatë, ajo nuk hoqi dorë nga dëshira për t’u bërë nënë.
“Mund të tentohet derisa të arrihet qëllimi ose deri sa bashkëshortët nuk heqin dorë nga procedura. Brenda një viti mund të provohet 2-3 herë…”, u shpreh gjinekologu gjatë emisionit.
Ai tregoi se pacientja kishte arritur të mbetej shtatzënë në një moshë të shtyrë dhe me probleme shoqëruese shëndetësore, përfshirë hipertensionin. Pas përpjekjeve të shumta jashtë vendit, ajo iu drejtua trajtimit në Kosovë.
“…Ka ardhur te ne dhe ne kemi ndjekur shtatzëninë e saj deri në fund. Pavarësisht sfidave, ajo ka arritur të sjellë në jetë një djalë…” – tha ai.
Për ta dëgjuar diskutimin e plotë rreth IVF, klikoni në linkun e mëposhtëm:
