Mesfushori i Kombëtares së Kosovës Leon Avdullahu po shkëlqen në Bundesligën gjermane me fanellën e Hoffenheimit,duke u bërë një prej liderëve të mesfushës tek skuadra ku luajnë edhe Fisnik Asllani dhe Albian Hajdari.
Këto paraqitje nuk mbetën pa u vërejtur edhe nga shumë klube në Evropë,dhe tani kanë ardhur edhe ofertat e para për Avdullahun.
Përndryshe gazetari turk Ekrem Konur raporton se Tottenham Hotspur dhe Milan kanë hyrë në garë për shërbimet e reprezentuesit dardan,dhe se janë të gatshëm që njëra nga ta të bëjnë transferimin e 21 vjeçarit.
Ndërkohë skautët e Spurs kanë udhëtuar në Gjermani ku janë duke përcjellur ndeshjet e Leon Avdullahut me Hoffenheimit,kurse në anën tjetër gjiganti italian kanë bërë ofertë fillestare por drejtuesit e Hoffenheim janë shprehur se nuk do ta vënë në shitje mesfushorin dardan.
Kujtojmë që Leon Avdullahu ka bërë 20 paraqitje për Hoffenheimin këtë sezon,teksa ka kontratë me klubin gjerman deri në qershor të vitit 2029.
