Aktori Chris Noth ka rrëfyer se është ndjerë i zhgënjyer dhe i braktisur nga aktorja Sarah Jessica Parker, si dhe nga koleget e tij të serialit “Sex and the City”, pas akuzave për sulm seksual që u bënë publike ndaj tij në vitin 2021.
71-vjeçari, karriera e të cilit u ndikua ndjeshëm nga këto pretendime, ka thënë se u ndje veçanërisht i lënduar nga reagimi publik i Sarah Jessica Parkerit. Ajo, së bashku me Kristin Davis dhe Cynthia Nixon, publikuan një deklaratë në të cilën shpreheshin se ishin “thellësisht të trishtuara” nga akuzat ndaj Noth.
Duke folur në episodin e podcastit Really Famous me Kara Mayer Robinson, Noth, i njohur për rolin e Mr. Big, partnerit të Carrie Bradshaw (rolin e të cilës e luante Parker), u shpreh hapur për marrëdhënien e tyre:
“Nuk jemi miq, mendoj se kjo është mjaft e qartë”, tha ai.
Ai shtoi se deklarata e publikuar nga koleget e tij ishte zhgënjyese dhe e bëri të ndjehej i izoluar në një moment të vështirë të jetës dhe karrierës së tij.
