Edi Rama ka çuditur botën. Kryeministri shqiptar, bëri atë që nuk i shkoj askujt në mendje.
Në mesin e kabinetit të ri qeveritar, prezantoi ministren më të, me veshje tipike tradicionale, me emrin tipik shqiptar, Diella.
Jo, ajo nuk është as politikane, as eksperte e mirënjohur, por anëtarja e parë virtuale e prokurorisë e cila është e programuar ta luftojë korrupsionin, pa mbajtur asnjë anë përveç asaj të drejtësisë, e krijuar krejtësisht algoritmat e Inteligjencës Artificiale.
Diella është quajtur “shërbyesja e prokurimeve publike” dhe synon të monitorojë e të analizojë proceset e tenderëve, një fushë shpesh e lidhur me mungesë transparence e abuzime. Ajo nuk ka zyrë, nuk merr rrogë dhe nuk njeh miq apo parti – është një algoritëm që punon 24 orë në ditë.
Ky inovacion është një përpjekje për të treguar se qeverisja shqiptare veçse është futur në epokën digjitale, teknologjike. Pyetjet megjithatë mbeten: a do të ketë Diella fuqi reale për të ndaluar shkeljet apo është vetëm një simbol i bukur modernizimi?
Për momentin, Diella është metaforë e një qeverisjeje që përpiqet të duket më transparente dhe më e ardhshme. Nëse do të mbetet vetëm imazh apo do të bëhet realisht zë kundër korrupsionit, këtë do ta tregojë koha.
“Humbës nuk është kush rrëzohet, po është ai që gërmon aty ku ra!” ishte fjalia e parë që ministrja më e re dhe më e përfolur në botë “Diella” ia tha Kryeminsitrit Rama pasi pa hapjen e parlamentit të Shqipërisë, e kur Rama e pyeti se si t’ja bëj, Diella ja ktheu “Kurrë mos e pengo kundërshtarin që po gabon”.
