Një operacion i kontrolluar për shpërthimin e një predhe të vjetër ka përfunduar me sukses sot në Kaçanik, raporton Gazeta Sinjali.
Predha, e cila dyshohet të jetë e mbetur nga Lufta e Dytë Botërore, është trajtuar nga njësitet e KFOR-it në bashkëpunim me Policinë e Kosovës.
Ngjarja ka ndodhur në një zonë të theksuar si e rrezikshme, ku për të garantuar sigurinë e qytetarëve, autoritetet kishin vendosur një perimetër sigurie prej 1000 metrash.
“Për sigurinë e qytetarëve, ishte vendosur një perimetër sigurie prej 1000 metrash përreth vendit të ngjarjes. Operacioni ka përfunduar dhe deri në këto momente nuk raportohet për ndonjë incident apo rrezik për banorët”, thuhet në njoftimin e Policisë.
