Profesori Fadil Maloku, në “Studio e Hapur” në ATV, tha se situata e pezullimit të Kuvendit mund të vazhdojë deri të shtunën, me pasoja politike për të dyja palët.
Sipas tij, mungon përgjegjësia shtetërore në sjelljen e partive politike.
Ai tha se përshkallëzimi i ngërçit institucional po shtyn Kosovën drejt një skenari bllokues.
“Mendoj që kjo saga apo drama e pezullimit do të vazhdojë deri të shtunën. Ajo çfarë mendoj unë që është tepër shqetësuese, është se nuk kanë përgjegjësi shtetërore për rrethanën në të cilën ndodhet Kosova,” tha Maloku.
Duke komentuar qëndrimet politike të ditëve të fundit, ai paralajmëroi për pasoja serioze për të gjitha palët.
“Nëse shkojmë tek skenari i tretë, që është skenari i bllokimit, atëherë pasojat do t’i vuajnë të njëjtit – edhe opozita, edhe Qeveria,” shtoi ai. /atvlive.tv
Më shumë detaje i gjeni në videon më poshtë:
