Nesër do të mbahet një protestë në Prishtinë, e cila ka për qëllim kundërshtimin e shtrenjtimit të energjisë elektrike, ku Zyra e Rregullatorit për Energji Eletrike (ZRRE) ka paralajmëruar rritje për 15%.
Njëri ndër organizatorët e kësaj proteste, njëherit edhe i grupit “Asnjë cent më shumë”, Luan Hasanaj ka bërë thirrje për mbështetje nga qytetarët për të marrë pjesë nesër në këtë protestë.
Madje, ai ka kërkuar nga bizneset, në shenjë solidarizmi, t’i mbyllin lokalet e tyre nga ora 15:00 deri 16:00.
Hasanaj ka thënë se kjo rritje e çmimit të energjisë nuk është barrë vetëm për qytetarët, por edhe për bizneset, duke rritur kostot e operimit dhe duke rrezikuar qëndrueshmërinë e aktiviteteve ekonomike.
