Sonte do të mbahet nata e dytë e Prishtina International Theater Festival “Burbuqe Berisha”, ku do jepet shfaqja “Boxes” nga Turqia me regjisorët Balım Kar dhe Semih Değirmenci në Teatrin Kamertal “Faruk Begolli”, në Kolegjin AAB.
Kjo shfaqje do të fillojë në orën 20:00, ndërsa njëra nga protagonistet e kësaj shfaqje, Burcu Görek, në konferencën për media shprehu emocionet dhe gëzimin që ndjen disa orë para shfaqjes.
“Po vij sërish në Kosovë dhe ndjehem si në shtëpinë time, pres që publiku ta shijoj shfaqjen dhe pa marrë parasysh kush del fitues në këtë festival, ne jemi të lumtur që po marrim pjesë”, u shpreh ajo ndër të tjera.
Pas shfaqjes “Boxes” të pranishmit do të argëtohen nën ritmet e këngëve të Xhaner Gashit.
Kujtojmë se mbrëmë filloi edicioni i 7-të i Prishtina International Theater Festival “Burbuqe Berisha”.
Ceremonia hapëse e festivalit u pasua me shfaqjen e parë, “Rusalka” nga Kroacia, e cila u dha në Teatrin Kamertal të Kolegjit AAB.
