Përgatiti: Krenare Mulliqi
Shpresa se do t’i fitonte afro 300 euro, e detyroi Osman Krasniqin të padisë Ministrinë e Financave.
Padia e tij bazohej në Ligjin për skemat Pensionale, me ç’rast neni 14 specifikon se pensionet duhej harmonizuar me koston e jetesës.
Por, kërkesa e tij nuk u trajtua nga Gjykata Themelore në Prishtinë. Në arsyetimin e Gjykatës shkruan se kjo shkallë nuk është kompetente për një lëndë të atillë.
Refuzimin e padive e vlerësojnë të padrejtë edhe pensionistë të tjerë.
Por, avokati i cili i përfaqëson disa pensionistë thotë se mundësi tjetër është Gjykata e Apelit.
Sipas avokatit, janë mijëra pensionistë të cilët tashmë i kanë dorëzuar paditë.
Bazuar në Ligjin për skemat sociale, harmonizimi i pensioneve me koston e jetesës duhet të bëhet një herë në vit, duke rritur shumën për aq sa është rritur inflacioni.
Megjithatë, pensionet në Kosovë nuk rriten në baza vjetore.
