Von der Leyen mbërrin në Tiranë, pritet nga Rama

Presidentja e Komisionit Europian, Ursula von der Leyen, ka mbërritur në Tiranë, për të zhvilluar vizitën e saj të parë në Shqipëri, në kuadër të turit në Ballkanin Perëndimor.

Në pamjet e siguruara nga Report Tv, shihet momenti kur Von Der Leyen takohet me kryeministrin Rama dhe më pas përshëndet edhe ministrat socialist dhe presidentin Bajram Begaj.

Vizita e Presidentes së KE-së vjen pak ditë pas çeljes së negociatave për grup-kapitullin e parë mes Shqipërisë dhe Unionit.