Ministri në detyrë i Mbrojtjes, Ejup Maqedonci, ka paralajmëruar blerje të reja nga kompania turke “Baykar”, e njohur për dronët “Bayraktar” që Kosova i bleu në vitin 2023.
Gjatë vizitës në Turqi, Maqedonci u takua me udhëheqësin e Sekretariatit të Industrisë së Mbrojtjes Kombëtare, Haluk Görgün, me të cilin diskutoi për zgjerimin e bashkëpunimit mes dy vendeve.
Në këtë vizitë, Maqedoni ishte edhe në Panairin e Industrisë së Mbrojtjes, të cilin e cilësoi si një mundësi për të parë risitë që ndihmojnë në rritjen e kapaciteteve ushtarake të FSK-së.
