Viktima e parë në Pejë nga përmbytjet, fëmiu 4 vjeçar, e ëma nën rrënoja

Qyteti i Pejës sonte po përballët me gjendje të jashtëzakonshme si pasojë e vërshimeve të shkaktuara nga reshjet e mëdha të shiut.

Burime të Indeksonline bëjnë të ditur se si pasojë e vërshimeve, një shtëpi është rrënuar, ku ka pësuar me fatalitet një anëtar i një familjeje.

Ngjarja ka ndodhur në lagjën “Asllan Qeshme”, ku nën rrënoja ka humbur jetën një fëmijë katër vjeçar.

E ëma e tij vazhdon të mbetet nën rrënoja.

Indeksonline raporton se dy anëtarë të tjerë të familjes kanë pësuar lëndime trupore.

Drejtori i Emergjencave në Pejë bashkë me ekipet janë në teren.