Vdekje e dyshimtë në Pejë, Policia nis hetimet

Një person është gjetur pa shenja jete të hënën në Pejë, duke bërë që autoritetet të nisin një hetim për vdekje të dyshimtë në rrethana ende të paqarta.

Rastin e ka raportuar një qytetar, pas së cilit njësitet relevante policore dhe ekipi mjekësor kanë dalë menjëherë në vendin e ngjarjes.

Sipas njoftimit zyrtar të Policisë, ekipi mjekësor ka konstatuar vdekjen e viktimës mashkull menjëherë pas mbërritjes në lokacion.

Me vendim të prokurorit kujdestar, trupi i pajetë i viktimës është transportuar për në Institutin e Mjekësisë Ligjore për t’iu nënshtruar procedurës së obduksionit.