Thomas Tuchel publikon listën e Anglisë, dy talentë marrin ftesën e parë

Përzgjedhësi i Anglisë, Thomas Tuchel, ka zbuluar listën për ndeshjet e ardhshme të Ligës së Kombeve, me Josh King dhe Jobe Bellingham që marrin për herë të parë ftesën në ekipin e parë.

Thomas Tuchel ka zyrtarizuar listën e futbollistëve të grumbulluar për ndeshjet e ardhshme të Anglisë në Ligën e Kombeve, ku në fokus janë dy emra të rinj që do të kenë mundësinë të debutojnë me kombëtaren.

Bëhet fjalë për Josh King, talentin 19-vjeçar të Fulhamit, si dhe Jobe Bellingham, vëllain më të vogël të Jude Bellingham, i cili po lë përshtypje me Borussia Dortmundin.

King ka fituar besimin e trajnerit gjerman pas paraqitjeve të mira këtë sezon në Premier League, ku në nëntë ndeshje ka realizuar dy gola dhe ka dhënë një asistim. Ai kishte qenë pranë grumbullimit edhe më herët, pasi gjatë verës ishte pjesë e delegacionit të Anglisë në kampin përgatitor për Kupën e Botës.

Ndërkohë, Jobe Bellingham shpërblehet për paraqitjet e tij me fanellën e Borussia Dortmundit, duke marrë kështu ftesën e parë në përfaqësuesen A të Anglisë.

Në anën tjetër, Kobbie Mainoo është lënë jashtë listës për shkak të mungesës së minutave dhe formës jo të mirë të Manchester Unitedit. Gjithashtu, jashtë grumbullimit kanë mbetur edhe Cole Palmer dhe Phil Foden.

Megjithatë, emra të rëndësishëm si Jordan Pickford, Declan Rice dhe Harry Kane janë pjesë e skuadrës së Tuchelit për sfidat e radhës.

Anglia synon të mbyllë me rezultate pozitive këtë periudhë të Ligës së Kombeve, ndërsa për dy talentët e rinj kjo është një mundësi e artë për të fituar besimin e trajnerit dhe për të bërë hapat e parë në arenën ndërkombëtare.