Golden Warriors dhe Phoenix Suns triumfojnë në NBA, Curry dhe Booker shkëlqejnë me paraqitjet e tyre
Golden State mposht Miami Heat me 120-100, ndërsa Phoenix Suns fiton ndaj Orlando Magic me rezultatin 117-104.
Vetëm dy ndeshje u zhvilluan të enjten mbrëma në NBA, por spektakli dhe rezultatet bindëse nuk munguan.
Reklamë
Golden State Warriors vijon formën pozitive, duke regjistruar fitoren e gjashtë të sezonit pas triumfit 120-100 ndaj Miami Heat. Një kontribut të rëndësishëm në këtë sukses dha stoli i Warriors, nga i cili erdhën plot 53 pikë.
Stephen Curry ishte shënuesi më i mirë për skuadrën vendase me 29 pikë, ndërsa për Miami Heat spikati Mitchell, i cili realizoi 22 pikë. Kjo ishte humbja e gjashtë sezonale për skuadrën nga Florida.
Fitore regjistroi edhe Phoenix Suns, që mposhti Orlando Magic me rezultatin 117-104. Devin Booker udhëhoqi skuadrën vendase me 30 pikë, ndërsa Brooks kontribuoi me 24 pikë të tjera.
Nga ana e Orlando Magic, Carter Jr. zhvilloi një paraqitje të mirë, duke realizuar 27 pikë, por kontributi i tij nuk mjaftoi për të shmangur humbjen e skuadrës.
Kështu, Golden State Warriors dhe Phoenix Suns siguruan fitore të rëndësishme, duke vijuar rrugëtimin e tyre në sezonin e NBA-së.
Reklamë
