Skulptori kosovar Gëzim Muriqi, i ftuar në emisionin e mëngjesit ”Alarm”, ka folur rreth shtatores së Gjergj Kastriot-Skënderbeut, të cilën ai e krijoji dhe pritet që së shpejti të vendoset në Zvicër.
Muriqi thotë se kjo vepër është realizuar pas kërkesës së bashkatdhetarëve tanë që jetojnë prej vitesh në Zvicër, transmeton atvlive.tv.
“Realisht kjo skulpturë është krijuar si rezultat i kërkesës së disa bashkatdhetarëve tanë në mërgatë, respektivisht në Zvicër. Vetë figura e Skënderbeut është e veçantë sepse kemi të bëjmë me atë që ne si popull identifikohemi. Është duke u punuar në atë drejtim se në cilin qytet të Zvicrës do të vendoset”, tha Muriqi.
Ai shtoi se për krijimin e kësaj shtatoreje ai ka menduar diçka më ndryshe se imazhet e përhershme të Skënderbeut, e diçka që e veçon këtë skulpturë është se Skënderbeu është “i zbritur nga kali”, me një fytyrë serioze, sy seriozë dhe vështrim ngulitës./ATVLIVE.TV/
Për më shumë ndiqni videon e mëposhtme:
